Artìculu liau de linkoristano.it
Apustis de seti annus in Crabas ant torrau a fai sa Consulta de is Giòvunus. Sàbudu passau ant nomonau presidenti Giuseppe Sanna de 27 annus, laureau in Architetura a s'Universidadi de Casteddu. Su vice presidenti est Nastassia Shapavalava, sa tesoreria dd'ant giada invècias a Federico Serra.
Po immoi sa Consulta est fata de 4 piciocus e 4 piciocas totu residentis in Crabas. Podint pigai parti a su progetu giòvunus chi tenint de is 15 a is 30 annus.
“Boleus chi is giòvunus si intendant parti de sa comunidadi crabarissa", narat Giuseppe Sanna. “Tra calchi dì”, sighit su presidenti, “s'eus a atobiai po cuncordai is propostas e su logo de sa Consulta. Si iat a praxi a fai progetus bellus e duncas teneus sa punna de interessai totu sa comunidadi ”.