Nova liada de linkoristano.it
Arziat a cuàturu su nùmeru de is malàdius de coronavirus in Sabarussa, apustis de ai averiguau àterus tres casus in is ùrtimas corantotu oras. Ddu fait sciri su sìndigu Mario Tendas.
Is personas faint parti de duas famìllias diversas narat Tendas. Sunt arresultadas positivas a su tamponi ma staint beni e is cunditzionis de saludi no ispretat pensamentu".
Su sìndigu Tendas cumbidat a “poderai sa calma e non si fai pigai de sa timoria”, ma arremonat s'importàntzia de sighiri is normas sanitàrias: “non fai assembramentu, poderai sa distàntzia sotziali, imperai sa mascaredda e si limpiai is manus”.