AVISU PÙBLICU: Servìtziu de Mensa Scolàstica - annu scolàsticu 2020/2021.
Su Comunu de Santa Justa assegurat, finas po s’annu scolàsticu 2020/2021, su servìtziu de mensa scolàstica po is alunnus chi frecuentant sa scola de s’Infàntzia e sa 1^ e 2^ classi de sa scola primària, movendi de lunis 05.10.2020. Su servìtziu mensa scolàstica est unu servìtziu a dimanda individuali e, po tanti, est posta in contu una contributzioni de parti de s’impitadori, cunforma a sa certificatzioni ISEE, comenti postu a craru a fini a fini in sa delìbera de sa Giunta Comunali n. 114 de s’ 08 de austu de su 2016 e n. 108 de su 29 de austu de su 2019.
Po gosai de su servìtziu de mensa scolàstica su genidori de s’alunnu, o chi ndi tenint sa responsabilidadi, depit cumpilai, in totu is partis, su mòdulus, chi at aprontau s’ufìtziu de cumpetèntzi,a chi depit firmai e ddi depit auniri is documentus afatantis:
• fotocòpia de unu documentu de identidadi;
• certificatzioni ISEE, bàllidu;
• simmai àtera certificatzioni mèdica a busta serrada chi atestat s’abisòngiu de dieta aposta.
Su mòdulu de rechesta est a disponimentu in s’ufìtziu protocollu e in su giassu istitutzionali de su Comunu. Sa renùntzia a su servìtziu o acontessendi àteras mudaduras tocat de ddas fai sciri impressi a iscritu a s’Ufìtziu Istrutzioni Pùblica de su Comunu.
Su mòdulu, cumpilau comenti si depit, tocat de ddu intregai a s’Ufìtziu Protocollu.