Cenàbara 2 de su mesi de ladàmini de su 2020 a is 9 oras e mesu in sa sea de su municìpiu in sa bia de Leopardi n. 8, s'at a atobiai apari sa Cummissioni eletorali comunali po nominai is scrutadoris po s'eletzioni dereta de su Sìndigu e de su Consillu comunali me in is diis 25-26 de su mesi de ladàmini de su 2020.
Po pigai s'incàrrigu de scrutadori tocat de s'essi iscritus in s'Albu aposta de is scrutadoris chi tenit ònnia comunu. Aintru de su mesi de ladàmini de ònnia annu su Sìndigu, cun manifestu de poni in s'Albu pretòriu de su comunu e in àterus logus pùblicus, invitat a is eletoris chi disìgiant de si fai poni in s'Albu de is scrutadoris a ndi fai rechesta aposta aintru de su mesi de onniasanti. Sa Cummissioni eletorali at stabiliu ca, fadendi is nòminas, ant a teni deretu in antis a totus is chi non funt traballendi e is chi non tirant indennidadi de disocupatzioni, càscia integratzioni, mobilidadi e nisciunu tipu de pensioni. Custus arrechisius tocat de ddus autocertificai aintru de su 25/09/2020.
Sa Cummissioni at a tirai a sorti n. 20 scrutadoris titulari e n. 20 scrutadoris suplentis.
S'atòbiu de sa Cummissioni est aberta a su pùblicu e totu is interessaus funt invitaus a ndi pigai parti arrispetendi is disponimentus po poni arrefrenu a s'apretu epidemiològicu de Covid-19.