Is Cartas de identidadi (a paperi e eletrònicas) e totu is àterus documentus de arreconnoscimentu (circulari de su Ministeru de s'Internu n. 557 de su 21 de cabudanni de su 2020) cun scadèntzia a su 31/01/2020, ant a sighiri a balli finas a su 31 de gennàrgiu de su 2021.
Sa valididadi po s'espàtriu abarrat limitada a sa data de scadèntzia inditada in su documentu.
Is tzitadinus chi tenint documentus de arreconnoscimentu cun scadèntzia afatanti a su 31 de gennàrgiu de su 2020 funt invitaus a andai anca funt is Ufìtzius comunalis feti sartau su 31 de su mesi de idas de su 2020 po ddus annoai, cun is maneras chi ant inditai in Comunu.
Is documentus chi sa valididadi est prorrogada - inditaus arremonendi is definitzionis de su Testu ùnicu de is disponimentus legislativus e regulamentaris in matèria de documentatzioni amministrativa (art. 1, co. 1, lìt. c), d) e e) de su d.P.R. 445/2000) - funt:
a) ònnia documentu cun fotografia de su titulari e chi at lassau, a paperi, a manera manniètica o informàtica, un'amministratzioni italiana o àterus Istadus, chi permitit s'arreconnoscimentu personali de su titulari (documentu de arreconnoscimentu);
b) sa carta de identidadi e ònnia àteru documentu cun fotografia de su titulari e chi at lassau, a paperi, a manera manniètica o informàtica, un'amministratzioni pùblica chi tenit sa cumpetèntzia, de s'Istadu italianu o àterus Istadus, cun sa punna prus de importu de ammostai s'identidadi personali de su titulari suu;
c) su documentu anàlogu a sa carta de identidadi eletrònica chi lassat su comunu finas a fai is 14 annus de edadi.
Sa relata, chi ammostat, de is provedimentus arregordat in prus ca ballint a sa pròpia manera de sa carta de identidadi:
- su passaportu;
- sa patenti de ghia;
- sa patenti nàutica;
- su libretu de pensioni;
- su patentinu de abilitatzioni po sighiri impiantus tèrmicus;
- su portu de armas;
- is tèsseras de arreconnoscimentu, bastit chi siant cun fotografias e timbru o àteru sinnu sìmbili, chi lassat un'amministratzioni de s'Istadu.