Su Comuni de Aristanis at bandiu sa gara de apaltu po sa gestioni de su servìtzius de parchègius a pagamentu.
Sa gara s'at a fai tenendi contu de sa basi de 4 milionis 545 milla 795 èurus po 5 annus, cun sa possibilidadi de ddu torrai a annoai po àterus duus e unu contrabalori de 6 milionis 364 milla 113 èurus, cun un'àgiu mìnimu a favori de su Comuni de su 9,76% asuba de is incàscius.
Is impresas interessadas tenint tempus finas a su 26 de su mesi de ladàmini po intregai is ofertas.
S’agiudicatzioni s'at a fai tenendi contu de s'oferta prus vantagiosa a manera econòmica scerendi-dda de su raportu calidadi/prètziu cun 70 puntus asuba de 100 chi s'ant a assinnai a s'oferta tècnica e 30 asuba de 100 a cussa econòmica.
Intra de is critèrius po valutai nci funt is costus de pagamentu cun s'apricatzioni, s'impreu de paperi ecològicu po imprentai is scontrinus, su torrai a fai sa sinnalètica, sa strutura organizativa de s'impresa cun riferimentu po su prus a su personali in servìtziu, sa comunicatzioni a is impitadoris.