Artìculu liau de linkoristano.it
Intra de is apuntamentus prus intèndius de s'atòngiu in provìntzia de Aristanis, ocannu sartant is sagras de su pani de Samugheu e Biddobrana, annu po annu abbisitadas de unu nùmeru sèmpiri prus artu de turistas chi ndi benint de totu sa Sardìnnia.
Sunt abarraus studaus ariseu is forrus a Samugheo in s'ùrtimu domìnigu de cabudani chi acullit ònnia annu sa sagra de su Tzichi.
“Biu comenti sunt andendi is cosas eus detzìdiu de ddu annuddai ”, acrarat Ottavio Pinna, presidenti de s'assòtziu culturali “Su Tzichi”, chi prumovit onni annu custa manifestatzioni. “Fintzas sa programmatzioni previdit spesas e mesis de traballu e giai a martzu eus cumprèndiu ca podiat èssiri unu arriscu mannu meda”.
“Eus a traballai po sa editzioni de s'annu chi benit”, narat Pinna, “cun sa speràntzia chi sa sagra si potzat fai comenti dd'eus sèmpiri connota”.
E at a sartai finas sa Sagra de su pani de Biddobrana, in programma s'ùrtimu domìnigu de ladàmini ma po sa dì est in programma unu spantu mannu po sa bidda.
“Eus a fai calincuna cosa feti po is tzitadinus de Biddobrana, poita bolit nai a ddu cumpartziri cun totu is àterus sardus, narat su sìndigu Paolo Pireddu, chi po immoi non bolit scoviai de ita sunt chistionedi.
“Non si nd'eus a scaresci de sa data”, sighit su presidenti de sa Pro loco, Francesco Urru, “s'ùrtimu domìnigu de ladàmini a Biddobrana at a èssiri sèmpiri sa giorronada de su pani”