Nova de linkoristano.it
Tres listas in porfia po is eletzionis comunalis de su 25 e 26 de ladàmini.: Antonello Figus at a depi garegiai cun duas listas chi iat giai bintu in su 2015, una ghiada de Jens Garau e s'àtera inui Andrea Casu pigat su postu de Angelo Pinna comenti a candidau sìndigu.
Su sìndigu chi bessit at presentau sa lista “Othoca – Santa Justa”, inui sunt interessaus 5 consilleris e assessoris de custa amministratzioni e 7 candidaus nous chi s'ant a presentai a is eletoris de Santa Justa po sa primu borta. Nd'ant a fai parti Gabriella Caria, Sharon Camedda, Paola Orrù, Sandra Pili, Raimondo Cadoni, Stefano Chirra, Nicola Delogu, Sandro Manca, Matteo Garau, Luca Massa, Franco Mura e Salvatore Pinna.
Comenti est sutzèdiu sèmpiri in su 2015 a Figus si cumparat po sa càrriga de sìndigu Jens Garau, cun sa lista “Uniti per Santa Giusta”. Is candidaus sunt Brigida Casula, Maria Dolores Melis, Elsa Spano, Patrizia Caratzu, Patrizia Frau, Luca Soddu, Giancarlo Abbatangelo, Massimo Giuseppe Antonio Meneghel, Mirco D’Amico, Salvatore Camedda e Luigi Carlo Loddo.
E po acabbai, fintzas sa de tres listas est rapresentada de una truma de genti chi iat giai pigau parti a is eletzionis po ghiai su Comunu in is annus passaus e po immoi si sciri feti ca su candidau sìndigu est Andrea Casu