"sàbudu 22 de cabudanni 2012
UNU MILLIONE - Eris note amus brincadu su millione de bisitas. No isco pro ite, ma so cuntentu"
Aici scriiat in su blog suu Zuanne Frantziscu Pintore unas cantu diis in antis de si morri, su 24 de cabudanni de su 2012.
Personi nodida chi at afortiau sa lìngua sarda pesendi-ndi sa rivista mensili bilìngui sardu-italianu "Sa Sardigna" e sighiu sa primu arràdiu lìbera in lìngua sarda "Radiu Supramonte".
In su 2010 iat bintu su prèmiu literàriu "Grazia Deledda" po sa narrativa sarda, cun su romanzu "Sa Losa de Osana".
Po ndi arregordai sa figura sua, de giornalista e de scritori, in su mesi de freàrgiu de su 2013 ant istituiu su prèmiu literàriu "Gianfranco Pintore" dedicau a su giornalismu in lingua sarda.