Su 23 e 24 de cabudanni in su Teatru "Massimo" de Casteddu, "Sardegna Teatro", partepari cun sa cumpangia "Teatropersona", cun sa regia de Alessandro Serra, ant portau in scena "Macbettu", su "Macbeth" de Shakespeare recitau in sardu e, comenti a tradutzioni scheta elisabetiana ddu ant interpretau feti òminis.
S'idea nascit apustis de unu servìtziu fotogràficu de is carrasegaris de sa Barbàgia, is sonus de is pitiolus e ainas bècias, is peddis, is corrus e su bortigu. Is carotas e su sànguni, su binu nieddu is fortzas de sa natura chi s'òmini nci arrennescit a amasedai. Faint spantu is cosas sìmbilis intra de s'òpera de Shakespeare e is tipus e is carotas de sa Sardigna. Sa lìngua sarda non ponit barrancus a dda cumprendi ma fùrriat in cantu su chi s'italianu ndi iat a ai fatu perdi in literadura.