Artìculu liau de linkoristano.it
Vicesìndigu e assessori nous in sa Giunta comunali de Santa Justa, a pagu cidas de is eletzionis. Apustis de is dimissionis de Pierpaolo Erbì, su sìndigu Antonello Figus at giau sa càrriga de vicesìndigu a Matteo Garau, su consilleri prus votau in su 2015, giai assessori a is Traballus Pùblicus, Ambienti e Sport in custa Giunta.
Cun su matessi decretu sindacali si afidat s’assessorau a is Servìtzius sotzialis e a su bilàntzius a Valentina Casula: unu scioberu fatu – at nau su sìndigu Figus – “arrespetendi su cunsensu democràticu de is eletoris, giai chi Valentina est stètia sa de cincu po nùmeru de votus, intra de totu is consilleris elìgius”.