Inghitzat giòbia 24 de cabudanni in Casteddu sa de XIII editzionis de "Terre di confine filmfestival", chi iant trantziu in su mesi de martzu po nexi de su Covid-19.
In sa Cineteca Sarda at a aberri sa manifestatzioni su vìdeu publicitàriu "De s'atra parti de s'arriu" pesau gràtzias a unu laboratòriu chi ant fatu is bividoris de Sabarussa e Asuni.
Sa manifestatzioni in prus de Casteddu, at a tocai Asuni me in is diis 25-26-27 de cabudanni de su 2020 e Sabarussa su 2-3-4 de su mesi de ladàmini de su 2020.
Totus funt invitaus a pigai parti a is seti diis de proietzionis, letzionis de cìnema, ammostas, cuncertus, totus sena de pagai.
Po s'annotai in antis su postu, casi ca funt contaus, tocat a mandai unu messàgiu "WhatsApp" a su nùmeru aposta
389 52 88 761: totus ant a arriciri sceda.
Fait a s'annotai a totu e seti diis o a cussas chi unu bollit .
Ligi innoi su programma
