Oi, in sa comunidadi nosta torrat a cumentzai sa scola apustis de sa simana de emergèntzia po su coronavirus.
At a èssiri unu inghitzu diversu, e prus difìtzili. S'emergèntzia sanitària, inui ancora si agataus, at mudau sa manera de bivi cosa nosta e is relatas sotzialis.
Sa scola at ammostau maturidadi e ecuilìbriu, arrannescendi a acabai s'annu scolàsticu. Po custu torru gràtzias a su Dirigenti scolàsticu, a is maistus, a totu is chi traballant in scola, a is istudiantis e a is babbus e mammas chi ant giau unu agiudu de importu mannu un custa situatzioni difìtzili.
Immoi est arribau su momentu de torrai a cumentzai e castiai ainantis.
Scideus giai ca no at a èssiri fàcili, ca nci sunt arrègulas meda de respetai ma totus impari nci dda podeus fai.
In custa simana sa scola e su comunu si sunt intèndius bortas meda po circai de cuncordai is atividadis in sa manera prus sigura.
Si at a acuntessi calincuna dificultadi in is primus diis, si pedeus de portai passièntzia, ca eus a circai de ddas arresolvi.
Seus circhendi de cuncordai unu annu scolàsticu chi siat serenu e profetosu.
S'augùriu prus mannu est chi s'annu scolàsticu siat bìviu cun responsabilidadi ma prusatotu cun passioni e prexu. At a èssiri unu annu scolàsticu diversu ma bellu e fintzas prus arricu.
Unu augùriu spetziali a is prus pitiadeddus, is chi inghitzant s'asilu.
Bonu annu scolàsticu a totus!!!!!