Su territòriu
A manera geogràfica Biddobrana fait parti de sa provìntzia de Aristanis, tzitadi atesu pagus chilòmetrus. Est posta intra de Monti Arci e Monti Grìghini in cùcurus arricus de bìngias, livàrius e terras prenas a trigu, sceberada de s’antigòriu si biit de sa surra de aposentamentus nuraghesus chi ddui funt in su territòriu suu.
Gràtzias a sa terra bella si faint binu, ollu e prus de totu pani bellu, cussu fatu in domu, po chi Biddobrana dda connoscint finas a livellu natzionali.
A fùrriu de sa bidda, anca is domus ammostant is struturas campidanesas connotas, si sterrint logus de natura meditarrànea, mentras, po su prus in pei de Monti Arci, sa vegetatzioni de su monti, chi est a ìlixi e suèrgiu, sighit a s’apoderai bella, a tretus fata a logu de recreu.
In totu Monti Arci, in prus, populau de selvagina, ddui at mitzas de àcua bella meda de innui nascint arrieddus chi currint me in is canalis prus a bàsciu.
(Furriadura de su giassu istitutzionali de sa setzioni Cultura e Turismu)