Movendi de mèrcuris 23 de cabudanni s'Assessorau a s'Istrutzioni Pùblica de su Comuni de Aristanis at a incarrerai su servìtziu de trasportu scolàsticu po is scolas comunalis de s'infàntzia.
S’Assessori a s'Istrutzioni Pùblica Massimiliano Sanna ponit a craru ca “su servìtziu de trasportu scolàsticu po is scolas primàrias e po is scolas segundàrias de I gradu s'at a poni in funtzioni de su 28 de cabudanni".
Po cali si siat informu chi pertocat oràrius e maneras fait a cuntatai inderetura su gestori de su servìtziu, s’ATI Fara/Garau, a su nùmeru telefònicu 078372883 de su lunis a sa cenàbura, de is 10 a is 11.
Is impitadoris obrigaus a pagai sa cuota de contributzioni si ndi depint incurai in antis cun su sistema PAGOPA.
Is tèrminis po intregai is istàntzias nobas funt serraus.
S'ammissioni de is istàntzias giai arribadas s'at a fai sciri cun su Portali telemàticu de is servìtzius scolàsticus.