|
|
COMUNU DE MÒGURU
Cursu de Primu Sucursu Pediàtricu
S’amministratzioni comunali de Mòguru cuncordat su Cursu basi de Primu Sucursu Pediàtricu, dedicau a is babbus e mammas (unu po ònnia famìllia) de is pipius nàscius in is annus 2018-19-2020 e chi sunt residentis a Mòguru.
Su cursu est a indonu, at a durai 4 oras e s’at a fai in sa Fiera de s’Artesania in custa diis:
· 2 de ladàmini de is 15.30 a is 19.30
· 5 de ladàmini de is 9.00 a is 13.00
· 6 de ladàmini de is 9.00 a is 13.00
· 6 de ladàmini de is 15.30 a is 19.30
Programma de su cursu:
- Comenti arreconnosci unu arrestu cardìacu in edadi pediàtrica.
- Abbivadura Cardiopolmonari e caraterìsticas de su defibrilladori.
- Provas pràticas cun s’agiudu de is manichinus, simuladoris e defibrilladoris didàticus.
- Allupamentu, datus italianus de s’ISTAT, cantu si depeus pònniri pensamentu?
- Cosa de papai e ogetus perigulosus po forma e consistèntzia.
- Presentatzioni SISO, simuladori de is vias respiratòrias de su pipiu finas a 3 / 4 annus.
- Siguresa candu si papat, comenti segai in sa giusta manera is alimentus prus perigulosus.
- Arrègullas po smenguai s’arriscu de allupadura candu si papat o si dormit.
- Manuvras po liberai is via respiratòrias candu si tenit calincuna cosa arrèscia in edadi pediàtrica.
- Provas pràticas cun s’agiudu de is manichinus e de su simuladori de sa manuvra de Heimlich.
- Acabbu de su cursu, cunsìnnia de s’atestau de partetzipatzioni.
Su cursu s’at a cuncordai in manera de arrespetai is normas anti-Covid, duncas at a podi pigai parti unu nùmeru limidau de personas (prus o mancu dexi ònnia dì) s’at a dèpiri imperai sa mascaredda, tocat a si limpiai beni is manus ainantis de intrai e tocat a arrespetai sa distàntzia intra de is partecipantis.
Po pigai parti a su cursu tocat a si iscriri cumpilendi su mòdulu chi agatais in comunu o in su situ de cunsinniai intra de su 28 de cabudani in comunu o cun mail s ‘indiritzu protocollo@comune.mogoro.or.it.