Artìculu e fotografia pigaus de linkoristano.it
Unu domìnigu in barca a vela, e non sceti . “In Vento – Free the Sea” est stètiu de prus meda de unu atòbiu de barcas: s'est fueddau de mari chi tocat a sarvai e amparai de s'afrusada de sa plàstica. Una bintina de imbarcatzionis si sunt atobiadas in Mandriola e apustis de una ora de navigatzioni sunt arribadas a s'ìsula de Malu Entu.
A mericeddu in s’ìsula, s'Area Marina Protègia e su Ceas ant cuncordau unu atòbiu de informatzioni apitzus de temàticas diferentis e prusatotu apitzus de s'amparu de s'ambienti. Acabbada sa cunferèntzia is personas chi ant pigau parti si sunt dedicadas a ndi boddiri sa plàstica de s'ìsula.
S’initziativa, dd'ant cuncordada Naturawentura e MèT Club, e at interessau prus o mancu 90 personas. At agiudau a fai sa giorronada fintzas su Tzìrculu Nàuticu de Aristanis.