In sa Biblioteca comunali de Aristanis ant torrau a poni in funtzioni su servìtziu de imprèstidu interbibliotecàriu.
Ddu at dispostu s’Assessori a sa Cultura Massimiliano Sanna chi, de acòrdiu cun sa diretzioni de sa Biblioteca, arregordat ca funt in funtzioni is servìtzius de imprèstidu fissendi s'atòbiu e de letura in foras (me in is spàtzius de sa corti de su "Hospitalis Sancti Antoni") de is cotidianus e de is rivistas.
Po ndi sciri de prus a pitzus de s'imprèstidu interbibliotecàriu si podit cuntatai su personali de sa Biblioteca a su nùmeru 0783 791750 e a is indiritzus de posta eletrònica prest.interbiblio@comune.oristano.it e biblioteca.prestito@comune.oristano.it de su lunis a sa cenàbura de is 9 oras de mangianu a is 2 de meigama.
“Po nexi ca megat de andai in peus s'apretu sanidàriu in tzitadi e in provìntzia, su torrai a aberri is salas stùdiu tocat de ddu trantziri - ponit a craru s'Assessori Sanna - Eus a essi prontus a torrai a aberri a su pùblicu comenti sa situatzionis ddu at a fai fai" .
Po intrai a is servìtzius chi ant torrau a aberri, is impitadoris depint poni in menti a is normas de seguresa postas in contu:
- bistiri de òbrigu sa mascarina
- disinfetai is manus cun sa solutzioni idru-alcòlica posta aposta intrendi;
- circai de non s'acostai meda e abarrai atesu s'unu de s'àteru assumancu unu metru;
- sighiri is inditus de is operadoris e de is cartellus postus.