Mèrcuris 16 de cabudanni a is 3 e mesu de meigama est in programma s'atòbiu de sa Cummissioni Istrutzioni Pùblica e Traballu, presiedit Alfonso Marras (Riformadoris). Sa Cummissioni at a ascurtai s'Assessori de s'Istrutzioni Pùblica Andrea Biancareddu e is operadoris didàticus in lìngua sarda e cadalana asuba de is lìnias ghia de sa disciplina linguìstica regionali, ponendi in pràtica sa lei regionali n.22 de su 2018.