In Arriora ddu est s'asilu, sa scola elementari e sa scola mèdia.
Sa bidda est sedi de s’Istitutu Cumprensivu chi acumonat fintzas is seas distacadas de Boàtiri (asilu e scola elementari) e Nurachi (scolas elementaris e mèdias)
Sa Biblioteca Comunali est unu tzentru de importu mannu de agregatzioni sotziali e culturali po totu is tzitadinus. Disponit de lìburus e vìdeos bastantis e is impitadoris tenint a disponimentu is giornalis e una setzioni multimediali inui fait a intrai fintzas in internet.
Podeis agatai una potecaria, su bancu de Sardìnnia, s'Ufìtziu Postali e sa caserma de is Carabineris.
Si boleis abbisitai Arriora e ddui boleis abarrai unus cantu diis non eis a tènniri dificultadis, difati ddu at:
- 1 allocateri (Villa Valeria)
- 8 agriturismus (Bachile Bertula, Il Melograno, La luce del Sinis, Nuraghe Priogu, S’Anea, Su Barrocci, Su lau e Su tasuru)
- 8 Bed and breakfast, est a nai logus inui si faint crocai e si giaint su murzu (Da Alessio, Da Cesira, Da Emanuela, Da Paola e Giorgio, L’orchidea, La sterlizia, Rita e Renzo e Su tramatzu)
- 1 Ospedàgiu a 3 steddus (Hotel Lucrezia)
Comenti a assòtzius de assistèntzia arremonaus sa Croce Rossa Italiana e sa Càritas.