Una stòria chi contat non sceti sa traditzioni de s'artesania regionali ma fintzas sa crèscida sotziali e econòmica de sa Marmilla e de sa Sardìnnia in is annus a partiri de s'esplosioni
econòmica fintzas a oi.
Nàscia in su 1962, sa manifestatzioni de Mòguru arricit ònnia annu abbisitadoris a milliàia (s'annu passau sunt stètius giai 13 milli).
Totu gràtzias a s’Amministratzioni comunali, a sa Pro loco, a is artesanus localis e a totu is impresas de s'ìsula chi pigant parti e ant pigau parti in is ùrtimus 59 annus, a sa fiera de s'ìsula
de prus importu po su chi perocat s'artesania artìstica.
Is acadessimentus stòricus de sa Fiera sunt immoi arresùmius e documentaus in su lìburu: "Raccontando la Fiera di Mogoro, 1962-2019’.
S'initziativa editoriali, prumòvia e curada de su Comunu e scrita de Bibliotour, chi acumonat is giòvunus de su Servìtziu tzivili de Mòguru, dd'ant presentada in su guventu acanta a sa strutura
inui si fait sa Fiera.
Ant assìstiu su sìndigu Sandro Broccia, is piciocus de Bibliotour e su professori Giovannino Cherchi, studiosu chi est stètiu fintzas sìndigu de sa bidda in is annus '50.