Su Sìndigu
FAIT SCIRI
Ca is tzitadinus de unu stadu chi fait parti de s'Unioni Europea tenint deretu de votai po is eletzionis de is organus de su Comunu ( Sìndigu, Consillu Comunali) e de sa Circoscritzioni (si su Comunu dd'at istituida).
Po podi votai, is tzitadinus de s’Unioni Europea depint presentai una domanda a su Sìndigu de su Comunu inui sunt residentis. in sa domanda in prus a su sanguanu, nòmini e logu de nàscida tocat a inditai:
- sa tzitadinàntzia;
- sa residèntzia atuali e su stadu de inui si benit;
- sa dimanda de iscritzioni in sa lista eletorali aciunta.
A sa dimanda si depit alliongiai una còpia de unu documentu de identidadi vàlidu, segundu s’art. 45 de su D.P.R. 28.12.2000 n. 445.
S'istàntzia si podit intregai in calisisiat momentu e in casu de eletzionis non tocat a sartai sa de cincu diis afatantis a s'apicadura de su manifestu de cunvocu de is comìtzius po s’annu 2020 intra de su 15 de cabudani 2020.
Su Comunu at a informai luegu is interessaus apitzus de s'arresurtu de sa dimanda e in casu de acullimentu at a mandai sa tèssera eletorali inditendi su sègiu inui s'at a podi votai.
S’iscritzioni in is listas eletoralis aciuntas giait a is tzitadinus de s'unioni fintzas su deretu de eligimentu a su Consillu Comunali e de nòmina in sa Giunta.
S’iscritzioni tenit carateri permanenti e si nci podit scancellai sceti si ddu pedit s'interessau o ddu fait s'ufìtzu.
Po totu is informatzionis is tzitadinus de s’Unioni podint cuntatai s'ufìtziu Eletorali de su Comunu.
Santa Justa, 11.09.2020