Si fait sciri ca ant abertu, in totu is Comunus chi ndi faint parti, is pre-iscritzionis a is Cursus de sa Scola Tzìvica de Mùsica "Alessandra Saba” po s’Annu Acadèmicu 2020/2021.
Is pre-iscritzionis ant a essi a indonu e s'ant a arregolli finas a cenàbara 2 de su mesi de ladàmini de su 2020.
Sartada custa dii, s'ant a acetai cun reserva, sena podi assegurai de ndi ammiti sa dimanda.
Biu s'apretu po su virus Covid 19, po non fai andai de personi sa genti in Comunu, sa dimanda de iscritzioni s'at a podi intregai in lìnia.
Po tanti s'allievu s'at a podi iscriri sena strobbu perunu de su PC o su telefònu intelligenti cosa sua, intrendi inderetura a su giassu de sa Scola e carchendi in s'indiritzu aposta de is iscritzionis, innui ddui at a aciapai totu su materiali po ndi sciri de prus.