Scideus ca sa bidda de Biddobrana est nomonada po s'arti de fai su pani; si fait fintzas una sagra de grandu importu chi a dolu mannu ocannu est sartada po mori de su COVID 19.
Duncas po non si ndi scaresci, si fadeus biri unu vìdeo liau de Sardegnadigitalibrary de unu cantu annus , aserru-aserru de su 1990, chi acumpàngiat su spetadori in is diversus momentus de su traballamentu e coidura de is schèscias de pani chi faint a Biddobrana. Su pani, mancai a dì de oi siat intrau a fai parti de una retza commertziali manna , bortas meda si fait ancora in domu po ddu imperai in famìllia.
In su vìdeo sunt ammostaus panis diversus comenti a su Tureddu, sa Prètzida secada a facie, is Costalleddas po pipius, su Lazareddu, su Parixeddu, su Cocoi folla de fa e su Cocoi cun s'ou.
Po biri su vìdeo, cracai custu link