Unu agenti de sa Politzia locali de Aristanis dd'ant agatau positivu a su Covid-19.
Po cautella su Comandu in bia de su Càrminu est serrau a su pùblicu e su personali chi at tentu cuntatus cun su collega positivu est giai fadendi su tamponi.
“In is diis chi benint is atividadis amministrativas e cussas operativas in strada, ant a sighiri cun calincunu strobu po mori de sa smèngua de is operadoris in servìtziu – narat su Sìndigu Andrea Lutzu -. Po fortuna s'agenti est in cunditzionis bonas de saludi e nisciunu de is collegas chi at atobiau tenit sìntomus”.
Impari a s'agenti sunt arresultaus positivus fintzas duus familliaris suus ma chi sunt in bona saludi.
Parrit ca su contàgiu siat sutzèdiu in s'interis de una abbisita a unu parenti.
Sa ASSL at comunicau ca nci sunt duus positivus in prus, sunt duus sportivus chi non sunt residentis in Aristanis ma giogant in un assòtziu sportivu de sa tzitadi.