S’Amministratzioni Comunali de Santa Justa at publicau su Bilàntziu Sotziali de fine mandatu: una aina de grandu importu po mandai ainantis una relatzioni de craresa aberrendi unu cunfrontu prus puntuali cun sa comunidadi chi amministrat.
Sa redatzioni de su Bilàntziu Sotziali rapresentat duncas unu passu de importu mannu po fai connòsciri sa vida amministrativa, donendi informatzionis craras apitzus de su chi s'est fatu de su 2015 a oi, po andai faci a una democratzia e a una participatzioni de sa comunidadi.
Sa punna est de furniri unu cuadru de s'atividadi acumprida, sighendi unu caminu fatu de comunicatzioni e cuncòrdiu intra de tzitadinus e Amministratzioni Comunali.
Sa strutura de su Bilàntziu dd'eus fata a manera sìmplitzi po dda fai cumprendi a totus e poi fa sciri a totus su chi eus fatu a benefìtziu de sa comunidadi.
Su bilàntziu sotziali de acabbu mandatu dd'eus a giai in in diis chi benint, a totu is famìllias de Santa Justa e si podit scarriai fintzas in su giassu de su comunu.