Sa Commissioni Eletorali Comunali depit nomonai, assortendi, is iscrutadoris po s’eletzioni de su Sìndigu e su consillu comunali de su 25 e 26 de su mesi de ladàmini 2020.
Si cumbidant duncas is iscritus in s’albu de is iscrutadoris a presentai s’autocertificatzioni inui depit decrarai:
- De èssiri scritus a s’albu de is iscrutadoris de su Comunu de Mòguru;
- De no àiri fatu su scrutadori in is ùrtimas duas consultatzionis eletoralis
- De non traballai;
- De non pigai disocupatzioni, cassa integratzioni mobilidadi o pensioni.
S’interessau depit autotzertificai is recuisitus a movi de s’11 de cabudani 2020 fintzas a is 13.00 de su 25 de cabudani 2020, imperendi su mòdulu de autocertificatzioni a disponimentu in s’Ufìtziu eletorali o chi si podit scarriai de su situ de su comunu.
Su mòdulu depit èssiri cunsinniau a manu a s’Ufìtziu Protocollu o mandau cun fax a su n. 0783-990131 o cun MAIL a s’indiritzu protocollo@comune.mogoro.or.it o cun PEC a protocollo@pec.comune.mogoro.or.it , acumpangiau de una còpia de unu documentu de identidadi vàlidu.
Is chi ant fatu su scrutadori in is ùrtimas duas consultatzionis non podint pigai parti.
Si arremonaus ca po podi fai su scrutadori tocat a èssiri scritus in s’Albu de is iscrutadoris in Comunu.
Po àteras informatzionis podeis tzerriai s’Ufìtziu eletorali tel. 0783-993006.