S'Assessorau a is Servìtziu sotzialis de su Comunu de Aristanis at publicau su bandu po assinnai cuntributus po fai frecuentai a in minoris de edadi de 0 a is 16 annus is tzentrus de istadi a intra dii, is servìtzius sotziueducativus e tzentrus cun funtzioni educativa e de recreu in sa simana chi movit de làmpadas a cabudanni de su 2020. Sa dimanda po ndi pigai parti si podit intregai finas a su 30 de cabudanni de su 2020.
S’Assessora a is Servìtzius sotzialis Carmen Murru ponit a craru ca podint fai rechesta is famìllias chi tenint sa residèntzia in su Comunu de Aristanis, cun unu ISEE familliari bàllidu chi non sartat is 30 milla èurus.
“Sa mesura – ponit a craru s’Assessora Murru - pertocat a is famìllias cun fillus e/o minoris in afidu, de edadi de 0 a is 16 annus chi ant frecuentau, assumancu 15 diis, is tzentrus de istadi intra dii, is servìtzius sotziueducativus e de recreu, postus in su territòriu de Aristanis".
Non s'at a podi intregai dimanda po is minoris po chi s'est giai tirau o s'ant a tirai cuntributus po punnas sìmbilis (po nai cuntributus pùblicus INPS po tzentrus de istadi o po castiai pipius allenus e sighendi) e po cussa simana etotu (su benefìtziu s'at a podi pediri po sa simana chi non dda ammantant àterus cuntributus pùblicus).
Non si podit pediri rembursu de sa tarifa chi unu at atentu po gosai de su servìtziu Tzentru de Agregatzioni/Ludoteca.
Is dimandas si depint intregai mellus a PEC a s'indiritzu: istituzionale@pec.comune.oristano.it o intregadas a s’Ufìtziu Protocollu de su Comuni de Aristanis in Pratza de Eleonora n. 44.
Su mòdulu de dimanda est a disponimentu in su situ istitutzionali, in s'Ufìtziu Relatzionis cun su pùblicu (U.R.P.) e su sportellu Informatzitadi.
Is dimandas arribadas foras de tempus o chi non funt cumpretas non s'ant a podi acetai.