"Pagu prusu a mancu " est unu lìburu de unu scritori arrioresu Benedetto Sulas, duncas unu tzitadinu de is biddas chi faint parti de su Sportellu linguìsticu ùnicu po àrea de sa provìntzia de Aristanis.
Est fintzas po custa arrexoni chi si fadeus connòsciri custu lìburu; aintru ddui podeis agatai informatzionis apitzus de sa varianti de sardu fueddada in Arriora.
Is topònimus difati si permitint de afigurai su tempus passau e si giaint una idea de sa stòria antiga e de comentu fiat sa vida chi ant fatu is jajus nostus. A fai duncas calincunu stùdiu chi pertocat sa lìngua sarda si permitit fintzas de costruiri de nou sa stòria passada.
Benedetto Sulas in custu lìburu, imperendi siat is topònimus, siat furriaduras e annotatzionis, crosidadis chi pertocant su sardu, contus e contixeddus, si fait intrai in sa varianti campidanesa de sa lìngua sarda, tìpica de sa bidda de Arriora.