Votu de domu po is eletoris in carantena o isulamentu po Covid-19
Deretu de votai de domu de is eletoris chi ant postu a tratamentu domiciliari o in cundtzionis de carantena o isulamentu fiduciàriu po Covid-19
Acumprimentus e tèrminis (artìculu 3 de su decretu-lei n. 103/2020)
Sceti po is consultatzioni eletoralis e referendàrias de su 2020, a is eletoris chi ant postu a tratamentu domiciliari e a cussus chi s'agatant in cunditzioni de carantena o de isulamentu fiduciàriu po Covid-19 s'ammitint a espressai su votu in domu insoru in su comunu de residèntzia.
Po custu, intra de su 10 e 15 de cabudanni (est a nai intra de sa de 10 e sa de 5 diis in antis de cussa po votai), s'eletori depit fai arribai a su Comunu anca est iscritu me in is listas, in modu finas telemàticu: info@comune.santagiusta.or.it , is documentus chi sighint:
a) una decraratzioni innui s'atestat sa voluntadi de s'eletori de votai de domu inditendi a craru s'indiritzu intreu de su domicìliu etotu;
b) unu certificau, chi lassat su funtzionàriu mèigu chi ddu at incarrigau is òrganus de cumpetèntzia de s'azienda sanidària locali, in data non prima de su 6 de cabudanni (sa de 14 diis in antis de sa data po votai) chi atestat is cunditzionis chi ddui funt in s'artìculu 3, comma 1 de su decretu-lei (tratamentu domiciliari o cunditzioni de carantena o isulamentu fiduciàriu po Covid-19).