Sa relata de acabbu mandatu eletorali benit fata de provìntzias e comunus, sighendi s’art. 4 de su D.Lgs. n. 149 de su 6 de cabudani 2011, chi narat: "Mecanismus po santzionai o premiai Regionis, Provìntzias e Comunus, comenti in is artt. 2, 17, e 26 de sa Lei n. 42 de su 5 de maju 2009" po acrarai is atividadis normativas e amministrativas de prus importu fatas durante su mandatu, prusatotu in riferimentu a:
- sistema e resurtus de is cuntrollus internus;
- annotus eventualis de sa Corte de is Contus;
- atzionis fatas po s'arrespetu de is saldus de finàntzia pùblica programmaus e stadu de su caminu de cunvergèntzia po is abisòngius standard;
- situatzioni finantziària e patrimoniali, fintzas marchendi is fartas averiguadas in sa gestioni de is entis cuntrollaus de su Comunu o de sa Provìntzia, sighendi is artt. 1 e 2 de su comma 1 de s'’art. 2359 de su còdixi tzivili e inditendi is fainas fatas po remediai;
- fainas fatas po cuntènniri sa spesa e su stadu de su caminu de cunvergèntzia po is abisòngius standard, acumpangiaus de inditadoris de cantidadi e calidadi chi pertocant is servìtzius giaus, imperendi fintzas esèmpius de oferta de prestatzionis cun su mellus raportu calidadi prètziu;
- stima de sa mesura de s'indepidamentu provintziali e comunali;
Sa relata e sa certificatzioni sunt publicadas in su situ istitutzionali de su Comunu, de su Sìndigu intra a is 7 diis afatantis a sa data de certificatzioni fata de s'organu de revisioni de s'Enti Locali, inditendi sa data de trasmissioni a sa setzioni regionali de cuntrollu a sa Corte de is contus.