S'8 de cabudani est sa Giorronada internatzionali de'alfabetizzazione, istituida su 17 de su mesi de onnisanti de su 1965 de s'UNESCO, po arregordai a totu sa comunidadi internatzional s'importàntzia de s'alfabetizatzioni.
Su protzessu de alfabetizatzioni est de importu mannu fintzas po arresolvi problèmaticas mondialis mannas comenti a sa poberesa, sa mortalidadi in s'infàntzia, s'ispaindaura de is maladias, sa mancàntzia de arrespetu de is deretus de totu is òminis e su de no èssiri ancora lòmpius a una paridadi intra de is òminis e is fèminas.
S'UNESCO stimat ca in su mundu su nùmeru de is analfabetas est de 781 millionis de genti manna e su 64% sunt fèminas. Prus de sa metadi de sa populatzioni analfabeta s'agatat in Asia, su 24% in s'Africa subsahariana, su 6,6% in is istadus arabus e su 4,2% in s'Amèrica latina.[1]