Scadint su 15 de cabudani is tèrminus po presentai s'istàntzia a Sardegna Ricerche po pigai parti a 9 bursas de formatzioni in su Parcu scientìficu e tecnològicu de sa Sardìnnia.
Su cuntributu, de 15.000 èuruspo ònnia bursa e de durada annuali, est po giòvunus laureaus – non depint tènniri prus de 35 annus – chi bolint mellorai is connoscèntzias issoru in cussas atividadis cuncordadas de Sardegna Ricerche in sa sea de su Parcu tecnològicu de Pula, s'Alighera e Aristanis.
Sa punna - narat sa Commissària straordinària de Sardegna Ricerche, Maria Assunta Serra - est cussa de stichiri in is grupus de traballu,giòvunus cualificaus chi ant a podi cresciri in sa professioni issoru aintru a unu ambienti nou ".
Cali sunt is argumentus de custa formatzioni e inui s'at a fai?
- 4 bursas de formatzioni sunt po su setori energias rinnovàbilis, modellaztione 3D, smart city, informàtica sanitària e biotecnologias, chi s'ant a fai in su CRS4 (Pula, CA);
- 4 bursas de formatzioni sunt in is setoris de is tecnologias alimentaris, chìmica anaìitica, cibersiguresa e amparu de is datus personalis, a incuru de Porto Conte Ricerche (s'Alighera, SS);
- una bursa de formatzioni in su campu de s'allevamentu de ostioni dd'at a fai sa Fundatzioni IMC-Tzentru Marinu Internatzionali (Aristanis).
Is avisus cun is informatzionis apitzus de is cursus, is reciisitus e sa manera de pigai parti, ddus agatais in sa setzioni "Bandus” de su giassu web de Sardegna Ricerche (www.sardegnaricerche.it). Informatzionis e acraramentus si podint domandai mandendi una mail a s'indiritzu direzionegenerale@sardegnaricerche.it.