Su Museu Diocesanu Arburensu cuncordat "Cincumilla francus e un abbraccio”, unu merii de mùsica e de arraxonadas in una bisura de diàlogu e de abertura.
Mèrcuris 9 de cabudanni a is 9 oras e mesu de merii, Franco Madau at a arraxonai cun Michele Corona, at a ligi Anna Serra.
S'ant a assegurai is mesuras de seguresa postas in contu de is normas e de protocollus Covid-19
Franco Madau, originàriu de Tuiri, at tocau pratzas de Sardigna e medas de Continenti comunichendi s'amori po sa terra sua, denuntziendi is discriminatzionis sotzialis e proponendi una riflessioni sèmpiri atuali.
Personàgiu e artista a 360 gradus at decidiu de contai sa vida sua cun sa scritura apustis de ddu ai fatu, annus e annus, cun sa mùsica. In su merii s'ant a ligi unas cantu partis de su lìburu e s'ant a podi torrai a ascurtai unus cantu sucessus musicalis de s'autori impari a contus de sa vida sua personali e professionali. In prus, in s'atòbiu s'at a arraxonai de su tema de sa fidi movendi de sa decraratzioni intzulladora: Deus m'at fatu chi non creu.