Giòbia 10 de cabudanni in su chi fut su maceddu comunali de Aristanis nci at ai una giorronada dedicada a sa microcipadura, chi at cuncordau s'Unidadi Anàgrafi Canina e Randagismu de su Dipartimentu de Preventzioni ATS Zona tzentru asuta de sa diretzioni de su veterinàriu Giuseppe Sedda,po s'iscritzioni de is canis de propiedadi in s'anàgrafi canina.
Sa prestatzioni est a indonu e fait a ndi gosai feti prenotendi in antis a telèfonu a su nùmeru 345.6619323, in funtzioni de su lunis a sa cenàbura de is 10.00 a is 12.30. Arrispetendi in mesuras de preventzioni contras a su Covid, su meri de s'animali o unu delegau suu at a podi andai a s'atobiada fruniu de mascarina, in prus de su documentu de identidadi, e at a depi poni in menti a fini a fini a s'oràriu inditau assora de prenotai po circai de non s'acomunai totucantus apari e in ònnia modu abarrai atesu s'unu de s'àteru assumancu unu metru de s'àtera genti.
S'operatzioni, lesta e chi no increscit, est a poni unu microcip eletrònicu asuta de sa peddi de s'animali chi ndi permitit de ddu arreconnosci incapitendi fura o de si persi. sa microcipadura est de òbrigu po lei, e tocat de dda fai apustis passaus is primu dexi diis de vida de su callalleddu e sèmpiri prima, incapitendi, de una trasferta o trasferimentu de residèntzia. Nci at santzionis pecuniàrias po is meris de cani sena de microcip.