Sa Giunta comunali at deliberau me in is diis passadas de incarrerai sa sanatòria e acabbai su murali de "Ericailcane" in su muru a ladu de foras de sa domu de tziu Angelino Spanu, arreconnoscendi s'òpera, cun chi s'artista at simbuligiau una scena de vida de su stani de Crabas, de interessu pùblicu. S'est agatada aici una solutzioni polìtica e amministrativa crara chi at a permiti s'inghitzu de una carrera chi at a lassai atesu dudas a pitzus de is muralis in sa bidda de Crabas. Cun custu àutu, chi sighit s'aprovamentu in Consillu Comunali de su Regulamentu chi disciprinat sa faidura de òperas artìsticas pitòricas in logus a muru pùblicus e privaus, inghitzat una carrera de valorizamentu culturali de matrici urbana arrecuberendi murus scòncius, cunfirmendi sa voluntadi de andai contras a sa pagu tzivilesa e a donai s'Amministratzioni sa disponibilidadi a fruniri logus de espressioni po is piciocus donendi po su prus sa possibilidadi de ndi pesai unu sensu tzìvicu a fai parti de sa bidda.