Si fait sciri ca cun Delìbera de Giunta Regionali n. 39/9 de su 30 de argiolas 2020 sa Regioni Sardìnnia at detzìdiu ca est su 15 de cabudani sa dì urtima po presentai is istàntzias de cuntributu po is tzentrus e is istitutzionis bibliogràficas privadas, comenti in sa L.R. n. 14/2006, art. 21, comma 1, lett. u-bis). Po benefitziai de su cuntributu is Organismus interessaus depint mandai sa domanda e is allegaus cumpilendi sa modulìstica dedicada de s'Assessorau, aprovada cun determinatzioni de su Diretori de su Servìtziu Patrimòniu Culturali, Editoria e Informatzioni, chi si podit agatai in su situ istitutzionali www.regione.sardegna.it (Strutura organizativa – Assessorau Istrutzioni Pùblica – Diretzioni Generali de is Benis Culturalis, Informatzioni, Spetàculu e Sport – Bandus e garas) e in is pàginas de su protzedimentu a su link https://sus.regione.sardegna.it/sus/searchprocedure/details/227.
Is istàntzias si depint mandai feti a manera telemàtica de una PEC de su sugetu chi fait sa domanda a s'indiritzu pi.benilibrari@pec.regione.sardegna.it, o si arriscat de no èssiri amìtius a su cuntributu. Is critèrius de ammissibilidadi, valutatzioni e rendicontatzioni sunt aprovaus cun Delìbera de Giunta Regionali n. 39/9 de su 30 de argiolas 2020. Responsàbili de su protzedimentu est Carla Contini (079 2088550;ccontini@regione.sardegna.it),