Si fait sciri ca est on line su giassu internet www.bonusacqua.it inui is impitadoris de su Servìtziu ìdricu integrau de Abbanoa S.p.A., chi ndi tenint deretu, ant a podi pediri informatzionis e domandai su Bonus ìdricu Emergentziali aprovau cun Delìbera n. 23 de s'8 de argiolas 2020. Po domandai s'agiudu in su situ tocat a s'arregistrai e a cumpilai su mòdulu chi benit trasmìtiu a is ufìtzius comunalis a s'acabbu de sa protzedura.
O si podit scarriai su mòdulu disponìbili in sa domu de su situ, ddu cumpilai e a pustis tocat a ddu mandai cun sa PEC o cun racumandada o a ddu cunsenniai a manu a s'ufìtziu protocollu de su comunu. Is domandas si depint presentai intra de su 30 de cabudani.
Po informai totu is impitadoris e fatzilitai s'atzessu a su bonus s’Egas at fatu una campànnia de comunicatzioni chi at a andai ainantis po totu su mesi de cabudani fintzas in Facebook, Instagram e Google. Si podint ligi is informatzionis fintzas in is locandinas chi eis a agatai apicadas in sa sedi de su Comunu.