Su Comuni ponit a s'avèrtia a totu is citadinus de non donai cunfiàntzia a chi s'aparat in domu narendi de essi de su Comuni. Non s'est lassada autorizatzioni peruna.
Su Comuni de Aristanis no at donau nisciunu incàrrigu a sugetus allenus po proponi progetus de integratzioni de is servìtzius a is citadinus.
Me in is ùrtimu diis funt arribadas a is ufìtzius comunalis sinnaladas de rechesta de s'atobiai in domu de parti de genti chi narat de fai unu servìtziu po contu de su Comuni de Aristanis. Po custa ocurrèntzia aposta is ufìtzius de su PLUS e de is Servìtzius sotzialis no ant incarrigau nì autorizau a nisciunu de andai me in is domus de is citadinus a proponi nisciunu tipu de servìtziu.
Si invitant, duncas, a totu is citadinus de non donai cunfiàntzia a chi s'aparat in domu a nòmini de su Comuni e, incapitendi duda, a cuntatai a is ufìtzius comunalis po ndi apurai s'identidadi e simmai sinnalai cumportamentus arreselosus a is fortzas de s'òrdini.
Su Comunu, po su chi est de cumpetèntzia sua, at giai sinnalau sa cosa a is fortzas de s'òrdini.