Nci at tempus finas a su 15 de cabudanni po pigai parti a su cuncursu "Cantamus umpare" chi at cuncordau s'assòtziu culturale "Alas in bolu" paris cun su grupu stòricu "Solu in sardu". Is amantiosus podint mandai a s'indiritzu alasinbolu@gmail.com, is vìdeus curtzus (bastant 10 minutus) de cantu (chi podit essi in cali si siat lìngua de Sardigna) in re, una disimperada, mutos, corsicana, trallalera campidanesa, mutetus frorius, unu cantu de unu coru o de cuncordu . S'initziativa tenit sa punna de favoressi e donai balori a sa lìngua e a is traditzionis de Sardigna.