Est in funtzioni su giassu www.bonusacqua.it po pediri su Bonu Ìdricu de Apretu.
Est in lìnia su giassu www.bonusacqua.it cun chi is impitadoris de su Sevìtziu Ìdricu Integrau chi sighit Abbanoa S.p.A., chi tenint deretu ant a podi teni informus e pediri su Bonu Ìdricu de Apretu chi est in su Regulamentu aprovau cun Delìbera de su Comitau Istitutzionali de Àmbitu n. 8 de s'8 de trèulas de su 2020. Po pediri s'agevolamentu cun su giassu tocat a si ddui arregistrai e cumpilai su mòdulu aposta chi s'at a mandai in automàticu, acabbada sa procedura, a s'atentu de is ufìtzius comunalis.
Sinuncas is impitadoris podint scarrigai su mòdulu a disponimentu in sa pàgina maista de su giassu, ddu podint cumpilai e mandai a PEC o a arracumandada, sinuncas nci ddu podint portai inderetura a manu a s'ufìtziu protocollu de su Comunu de arresidèntzia. Sa dii ùrtima po intregai sa rechesta est su 30 de cabudanni de su 2020.