Su gonfaloni de sa bidda dd'ant presentau a manera ufitziali a sa comunidadi su 5 de martzu 2006, po sa festa patronali de Santa Margarita candu in s'interis de sa prufassioni dd'ant ammostau passendi in is bias de sa bidda.
Su stema ufitziali duncas, apustis de stùdius e circas, at passau s'esàmini de s'Ufìtziu de su Gonfaloni de su Ministeru de is Internus e at arriciu s'aprovu cun decretu de su Presidenti de sa Repùblica su 28 de argiolas de su 2005.
Est unu stema traditzionali in unu sfundu grogu, in susu ddu est sa corona tìpica de s'antiga "civitas”, chi scerat is caràteris de Comunu e Tzitadi e in
bàsciu is diademas intriciaus de laueru e làndiri, sinnus de sa Repùblica.
Aintru ddui sunt is tres disìnnius tìpicus de su comunu: in sa parti in artu ddui sunt una mata de olia e unu matzu de seti spigas testimòngius de s'acapiu
cun sa terra de sa bidda, de sa fertlidadi sua e de sa capassidadi sua de produiri prusatotu ollu e pani, chi ant fatu Biddobrana nomonada a livellu natzionali.
In sa parti prus bàscia agataus su cuadderi Santu Crispu, arregordau e adorau de totu sa comunidadi. Su stùdiu de su gonfaloni dd'ant fatu duus giòvunus de sa bidda: s'architetu Robert Dessì e su studiosu Roberto Zucca.