Avisu Istàntzia Bonus ìdricu emergentziali.
Su Comunu de Aristanis fait sciri ca si podit presentai s'istàntzia po otenni agiudus econòmicus po is ispesas de s'àcua. Si podit presentai sa domanda in su comunu de residèntzia fintzas a su 30 de cabudani 2020.
Custu agiudu est de cunsiderai comenti a rembursu tarifàriu straordinàriu " po is impitus dèbilis", est a nai cussas famìllias chi si sunt agatadas in una cunditzioni econòmica sbantaxada po mori de is mesuras de cuntenimentu po su COVID-19.
S’importu de su bonus emergentziali chi spetat a ònnia benefitziàriu est de € 50,00 po ònnia cumponenti de sa famìllia.
Sunt amìtias a custa mesura is famìllias chi tenint utèntzias diretas o residentis in una utèntzia indireta chi faint parti de sa tipologia " Imperu domesticu residenti" e chi:
- sunt residentis in su Comunu de aristanis;
- tenint unu cuntratu de frunidura de su servìtziu ìdricu integrau;
- tenint unu ISEE vàlidu e CURRENTI non prus artu de 15.000 èurus;
- tenint unu ISEE vàlidu e CURRENTI non prus artu de 20.000 èurus in famìllias cun a su mancu tres fillus;
- siant in cunditzioni de dificultadi econòmica po s'acabbu o su smenguamentu de su traballu dèpiu a su COVID 19, comenti in sa decraratzioni.
Su nùcleu ISEE in cunditzionis de dificultadi econòmica sotziali tenit deretu a su BONUS Emergentziali po unu cuntratu de frunidura sceti.
Sa domanda si depit presentai a s'ufìtziu de su protocollu de su comunu de Aristanis intra de su 30 de cabudani, acumpangiada de custu paaperis:
- unu documentu de arriconnoscimentu de su chi fait sa domanda vàlidu;
- una còpia de sa bulleta de s’impitu;
- còpia de su documentu ISEE CURRENTI vàlidu a sa data de presentatzioni de sa domanda.
Podeis scarriai su mollu e s'avisu de su situ de su Comunu de Aristanis.
Is tzitadinus chi tenint abisòngiu de agiudu po cumpilai s'istàntzia, podint domandai a:
- s’URP de su lunis a su cenàbura de is 9 a is 12, su martis e su giòbia de is 15:30 a is 17:30, tel. 0783/791337 e 0783/791331, email urp@comune.oristano.it
- su servìtziu Informacittà, su lunis, mèrcuris e cenàbura de is 9 a is 13, tel. 0783/791628 e tel. 0783/791627, email: informacitta@comune.oristano.it