(art. liau de mediterraneaonline)
Bisitas ghiadas in sardu a su nuraxi Genna Maria, Domìnigu 6 de cabudanni.
“Genna Maria fueddat sardu” est su dìciu de sa Dì de su Turista de Domìnigu 6 de cabudanni, candu a su nuraxi de Biddanoa Forru s’ant a fai po sa primu borta is bisitas ghiadas in lìngua sarda. S’ant a contai sa stòria de su nuraxi e sa biddixedda postas in pitzus de su cùcuru panoràmicu de Genne Maria e at a essi s’ocasioni po is sardus de ascutai fueddus pagu connotus in sa lìngua de ònnia dì e po is stràngius de imparai calincunu fueddu de allogai in su cadàsciu de is arregordus de sa vacantza in Sardìnnia e s’intendi parti de su territòriu chi ddus at arretzius.
Is bisitas funt de prenotai e funt programmadas a is 10, 11.30, 16, 17.30; si nd’at a fai un’àtera a is 19, cun dexi personas a su mancu, e a s’acabbu s’at a podi castiai sa calada de su soli faci a su Golfu de Aristanis.
Ristorantis e pitzerias de Biddanoa de Forru ant a proponi pràngius e cenas a prètzius turìsticus. Prenotendi-ddus, s’at a podi bisitai su nuraxi e su museu cun su billetu redùsiu.