(artìculu liau de su situ architetturadipietra.it)
Acanta a sa bidda de Arriora e no atesu meda de su stàinu de Crabas agataus su parcu de is Sonus,
disinnau de is architetus Alberto Antioco Loche e Pierpaolo Perra. Dd'ant fatu aintru de una cava de inui si ndi bogàt s'arenàrgiu, chi at allogau is caraterìsticas suas foras de is elementus
acapiaus a s'indùstria de s'òmini.
Una de is particularidadis de custu logu est s'efetu de arretronu chi si intendit
ingui aintru; e in prus su de si intendi antru a unu teatru postu in foras inui si faint manifestatzionis musicalis de ònnia schèsciu, prusatotu cussas de musica locali e traditzionali. Intra de
is manifestatzionis de importu arregordaus “Musiche nel Sinis” chi pertocat s'arricu patrimòniu musicali regionali.
"Su Cuccuru" est su nòmini de sa cava disavesada inui nascit custu
parcu. In prus a is manifestatzionis musicalis ddui podeis agatai mostas e espositzionis a su Villàgiu de su Gustu.
Fintzas ocannu, mancai nci siat s'emergèntzia covid 19, su festival Rete Sinis est andendi ainantis cun spetàculus de grandu importu e atòbius cun artistas comenti a is Tazenda, Piero Marras, i Balentes e àterus artistas de nomena internatzionali.