Sa valididadi de is documentus de arreconoscimentu e identidadi scadius dda ant prorrogada tambeni a su 31 de su mesi de idas de su 2020.
Ddu disponit, narat sa diretzioni centrali de is Servìtzius demogràficus cun sa circulari n.8/2020, su decretu-lei de su 19 de maju de su 2020, n.34, su chi ddi tzèrriant "decretu Rilànciu", cunvertiu cun sa lei n.77/2020, unu de is provedimentus chi at pigau su Guvernu po parai faci a is efetus sòtziu-econòmicus de s'apretu sanidàriu de Covid-19.
Arregordendi sa pròrroga passada de valididadi a su 31 de austu de is cartas de identidadi scadidas, sa diretzioni centrali ponit a craru ca "abarrat limitada a sa data de scadèntzia de su documentu sa valididadi po s'espàtriu".