In occasioni de sa festa de sa Madonna de s'Arrimèdiu, po assegurai mesuras futas po sa seguresa, su Comuni cun un'ordinàntzia aposta at dispostu a fùrriu de sa Basìlica de s'Arrimèdiu mudaduras a sa viabilidadi,
custas is arrègulas nobas:
1. In sa bia provintziali chi aunit s'Arrimèdiu cun Aristanis, de su Km 0,00 a su km 1,200:
a) serrau su tràficu de is màchinas in sa corsia de màrcia a manu dereta, de s'Arrimèdiu finas a su centru de Aristanis: su tràficu s'at a trantziri in sa corsia a manu manca de sa matessi diretzioni de màrcia;
b) istitutzioni de su lìmiti de velocidadi a 30 km/h, po totu is categorias de veìculus;
2. Finas a su 9 de cabudanni de su 2020, po sa celebratzioni de is ritus religiosus in onori sa sa Vìrgini Biada de sa Madonna e s'Arrimèdiu, istitutzioni de su divietu de circulai, cun rimotzioni a marolla de is veìculus in divietu de sosta me in is bias afatantis:
a) bia "delle Grazie", de su gruxeri cun sa bia de "Oristano" finas a sa bia de "Santa Maria Bambina";
b) bia de "Santa Maria Bambina", de gruxeri cun S. P. n. 1 finas a sa bia de E. Sanna, (podint intrai a su parchègiu aintru de s'Istitutu "S. Maria Bambina" is veìculus chi tenint su lassapassai chi lassat s'istitutu etotu in sa bia de E. Sanna atraversendi su parchègiu aintru);
c) bia de "Santa Maria Bambina", sterrau acanta de sa Basìlica (foras de s'àrea chi est a parchègiu autoveturas a su servìtziu de is portadoris de àndicap e de is religiosus po sa celebratzioni de is ritus de sa V.B. de s'Arrimèdiu, cun bessida de cussus etotu de su sterrau faci a S. P. n. 1 gruxeri S. S. 292);
3. Òbrigu de si firmai e de donai precedèntzia (stop) a sa bessida, po is veìculus a su servìtziu de is portadoris de àndicap e de is religiosus po sa celebratzioni de is ritus in onori de V.B. Madonna de s'Arrimèdiu, in sa bia sterrada gruxeri cun sa S.S. 292.