In Santa Justa ant imperau is iscarteddus comenti a ainas, in ònnia manera. Custu est sutzèdiu po sa disponibilidadi manna de erbas e matas imperadas po ddus fai e poita fiat prus sìmplitzi fai scarteddus invècias de strexus e vasàmini.
Su scarteddi si fadiat po su prus po ddu imperai in domu. Su de fai su baratu iat spainau s'imperu de is iscarteddus de logu de domu a su cummèrtziu.
Po ddus fai prus bellus iant fintzas cumentzau a ddus traballai e decorai. Ma prusatotu fiant stètias is fèminas de sa bidda a imperai custa pràtiga, po s'amori mannu chi poniant in su fai custa ainas chi imperànt po imbelliri sa domu.
Is formas de is iscarteddus mudant a segunda de su materiali imperau: palla de trigu, cadrilloni, ràfia, folla de parma. Is decoraduras sunt po su prus geòmetricas, ma podint afigurai finztas matas e animalis.
Su maistu de scarteddus ddu tzerriànt cadinaiu. Is matas imperadas furiant cussas connotas comenti a moddìtzi (lentischio) ollastu (olivastro) impari a sa canna sperrada (canna
spaccata).
Su traballu si fait troghendi is follas a spirali a giru a una basi fata de palla o crucùriu e cosendi sa trìcia chi ndi bessit, cun puntus de agu. Sa decoradura fata de materialis chi
assimbillant a is chi eus nau, o fatas fintzas cun cotoni arrùbiu o nieddu, benit aciunta apustis , o si fait in su interis chi si fait su scarteddu etotu.