Contributus po sa gestioni de is Servìtzius Educativus Primu Infàntzia e Scolas de s'Infàntzia Paritàrias. Annus Educativus/Scolàsticus 2019/2020 e 2020/2021. Publicatzioni de s'Avisu Pùblicu e Modulìstica.
Si fait sciri ca cun Detèrmina n.705/174 de su 27 de austu de su 2020, s'est incarrerada sa procedura po sa cuncessioni de is contributus in ogetu.
Su contributu si donat a is sugetus beneficiàrius po ammantai sa cuota parti de is spesas de gestioni de is servìtzius educativus 0-3 annus e de is scolas de s'infàntzia paritàrias, po is annus educativus/scolàsticus 2019/2020 e 2020/2021. Non si ammitint is spesas po chi giai s'est arriciu finantziamentu cun àterus contributus pùblicus.
Is beneficiàrius de su contributu ant a podi essi is sugetus gestoris de is servìtzius, postus in su territòriu comunali, chi funtzionant me in is annus educativus/scolàsticus 2019/2020 e 2020/2021:
a) Servìtzius Educativus Primu Infàntzia 0-3 anni, siant cussus in gestioni dereta o non dereta comunali, cunventzionaus o non cunventzionaus. Is tipus de servìtzius chi si ammitint funt: asilus nius, micrunius, nius aziendalis e setzionis "primavera";
b) Scolas de s'Infàntzia in possa de s'arreconnoscimentu de sa paridadi, cunforma a sa L.62/2000.
Is dimandas po intrai a su finantziamtu tocat de ddas sterri impreendi totu is mòdulus aposta aunius a s'avisu e tocat de ddas a intregai cun PEC a s'indiritzu protocollo@comune.santagiusta.or.it o, sceti incapitendi de non dda teni, a paperi intregaus a manu a s'Ufìtziu Protocollu de su Comunu me in is diis e oràrius afatantis: de su lunis a sa cenàbura de is 11 a sa 1 e mesu de mangianu e su mèrcuris a meigama de is 3.30 a is 6.30, aintru e sena de sartai sa data de su 14.09.2020.
Po ndi sciri de prus tocat a castiai s'Avisu Pùblicu intreu e totu is documentus chi si podint agatai in su giassu istitutzionali de su Comunu de Santa Justa.