Mèrcuris 26 de austu de su 2020 sa Cummissioni Eletorali de su Comunu de Mògoru s'est atobiada apari in sa sea de su comunu, in sa bia de Leopardi 8, in atòbiu pùblicu, po incarrerai a nominai is scrutadoris assinnaus a is ufìtzius de setzioni po su Referendum costitutzionali de is diis 20 e 21 de cabudanni de su 2020.
Sa Cummissioni at decidiu de impreai sa manera de tirai a sorti, lassendi foras a is chi ant giai fatu su scrutadori me in is ùrtimu duas consultatzionis eletoralis e ponendi in antis a is chi non tenint mancunu tipu de traballu e chi non tirant s'indennidadi de disocupatzioni, cassa integratzioni, mobilidadi e nisciunu tipu de pensioni.
In s'atòbiu, sa Cummissioni at nominau scrutadoris is eletoris chi arresurtant in s'allegau A e at stèrriu sa graduatòria de àterus 15 eletoris (allegau B) po rimpratzai, sighendi a chi tocat prima, a is chi ant nominau scrutadoris ma chi non podint pigai s'incàrrigu po impedimentu grai.